Apne Hathoon Ki Lakiron me Basa le Mujh ko Featured Vidya Balan
Apne Hathon Ki Lakeeron Mai Basa Le Mujh Ko
Mai Hoon Tera, Tu Naseeb Apna Bana Le Mujh Ko
Mai Jo Kaanta Hoon To Chal Mujh Se Bacha Ker Daman
Mai Hoon agar Phool To Balon Mai Saja Le Mujh Ko
Mai Khule Darr K Kisi Ghar Ka Hoon Samaan Pyaare
Tu Dabe Paaoun Kabhi Aa K Chura Le Mujh Ko
Tark-e-Ulfat Ki Qasam B Koi Hoti Hai Qassam
Tu Kabhi Yaad To Kar Bhoolney Waley Mujh Ko
Mujh Se Tu Puchney Aaya Hai Wafa K Ma'iney
Yeh Teri Saada Dili Maar Na Daaley Mujh Ko
Kal Ki Baat Aur Hai Mai Ab Sa Rahoon Na Rahoon
Jitna Jee Chahey Tera. Aaj Sata Le Mujh Ko
Mai Khud Ko Baant Na Daalun Kahin Daman Daman
Kar Diya Tu Ne Agar Mere Hawaley Mujh Ko
Subscribe to:
Post Comments (Atom)
No comments:
Post a Comment